środa, 23 października 2013

Ślunski galert (galareta z nóżek)




Jedzom to wsziscy, w cołkiej Polsce, ale sie nie prziznajom. U nich to je galaretka abo "meduza" (a do tego "luneta"). U nos ajnfach galert.
Nojlepszy ze świńskich szłapów i golonki.







Na mało micha galertu weź:

  • dwie świńskie szłapy
  • jedna golona (najlepiyj zadnio, mo mo wiyncyj miynsa)
  • jarzina jak na rosół, ino dej wiencyj ziela i listków bobkowych
  • ze dwie łyżki łoctu.
Szłapy i golono umyj gryfnie. Szłapy wciep do gorka, zalyj zimnom wodom i zagotuj. Kiej zawrze, dodej golono. Warz kajś z godzina, potym wciep jarzina i przyprawy, dolyj zedwie łyżki łoctu i trocha zalcu do smaku. Warz, aż miynso bydzie blank mienkie. 





Miynso wyciong z gorka, połobiyrej.
Pożniyj na małe koncki.
To, co ci sie wywarziło łodcedź.









Posiekane miynso wciepej do miskii zalyj wywarym.
Odstow do zimnego. Kiej łostygnie - wsadź do lodówki.
Nie jydz, aże bydzie zgynstniałe!

Podowej z cytryną, ale barzi po ślonsku bydzie z łoctym.
Mie nojlepiyj pasuje z zynftem.
... a lorneta... czymu niy?

Brak komentarzy:

Prześlij komentarz